Puika Chan

陳沛珈係前香港無綫電視嘅新聞從業員，離職前職位係無綫新聞策劃主任，主要做緊外電記者嘅工作。 陳沛珈中學讀新界鄉議局元朗區中學 ，大學喺香港中文大學新聞與傳播學系畢業。佢2012年加盟無綫電視新聞部實習，2013年大學畢業後開始擔任無綫新聞嘅外電記者同新聞編輯。 陳沛珈亦係3輯《世界零距離》（2013、2015同2016年播）嘅其中一位節目主持，係佢實習之後再一次出鏡。佢喺第二輯節目入面講過德文[1]。 陳沛珈亦係《一路走來半世紀》其中一位節目主持。 陳沛珈響2018年離職，轉投入境事務處。